Дүниежүзілік балалар күніне арналған іс-шара
20 қараша күні Астана қаласы №30 мектеп-гимназиясында 7–11 сынып оқушылары арасында Дүниежүзілік балалар күніне орай «Полиция және балалар – бірге қауіпсіздік үшін» тақырыбында бірыңғай мазмұндама жұмысы өткізілді.
Іс-шараның мақсаты: оқушылардың құқықтық мәдениетін қалыптастыру, заңға бағынудың маңызын түсіндіру және қауіпсіздік ережелерін сақтау туралы білімдерін кеңейту.
Іс-шара барысында оқушыларға төмендегі бағыттар бойынша түсіндірме жұмыстары жүргізілді:
- Балалардың құқықтары мен міндеттері;
- Құқық бұзушылықтың алдын алу жолдары;
- Интернеттегі қауіпсіздік ережелері;
- Жол қозғалысы қауіпсіздігі;
- Кәмелетке толмағандар арасындағы жағымсыз әрекеттердің салдары;
- Полиция қызметкерлерінің қоғамдағы рөлі.
Мазмұндама жазу арқылы оқушылардың мәтінді түсіну, өз ойын сауатты жеткізу дағдылары бекітіліп, құқықтық сауаттылығын арттыруға жағдай жасалды. Іс-шара жасөспірімдердің қауіпсіздік мәдениетін нығайтуға және қоғамдағы өз жауапкершілігін сезінуге ықпал етті.
Жоғары нәтиже көрсеткен оқушылар
Іс-шараға 7–11 сынып оқушылары қатысып, оң нәтиже көрсетті. 11 «А» сынып оқушылары – Мейрамқызы Мүгүлсім, Серикова Аида, Құдайберген Дильяра жоғары деңгейде мазмұндама жазды.